بحث اللغة إعدادي هندسة جامعة الزقازيق
[]السلام عليكم[]
بعد امتحان الرسم الهندسي والاسقاط كلنا عايزين نعمل بحث اللغة عشان نخلص بقي طيب هنعمل ايه ، هقولك علي شوية ملاحظات يساعدوك في كتابة البحث بسهولة ومن غير تعقيد.
الملاحظات :-
1/ بالنسبة ل بحث اللغة ف أنتوا الي بتعملوه ب نفسكوا محدش يشتري بحث لان كدا هتسقط الموضوع سهل جدا وابسط مما تتخيل.
2/ اول حاجة هنحدد انت هتعم البحث عن أي موضوع من التلاتة وليكن مثلا عن الروبوتات
3/ هتعمل مقدمة لذيذة كدا عن علم الروبوتات ك كل وممكن يبقي في تعريف الروبوت واي حشو جميل ف المقدمة 😂 وغالبا لما تبحث في جوجل عن كلمة robot هتلاقي كلام كتير ممكن تعمل بيه مقدمة صفحة كاملة.
4/ هنبحث في جوجل ب استخدام الكلام دا مثلا
Robot / flying cars/ transistor
?.........What is Theoretical background of
- سؤال ب الانجليزي معناه ايه هي مكونات الروبوت أو العربيات الي بتطير 😂
-اليه عمل الربوت أو العربية.....
-انواع الروبوتات
5/ تطبيقات عملية " و دي بتبحث في جوجل عن تطبيق عملي للربوت في الحياة مثلا" حتة مني رايقة (اكتبوا عن الروبوتات الي شركة امازون بتستخدمها في المخازن بتعتها رايقة) 😂
دي تقريبا كل العناصر الي مطلوب تكتب فيها هتكتب في كل عنصر من دول صفحتين و صفحة مقدمة و صفحة مراجع كدا ١٨ والغلاف يبقي ١٩ كدا جبرت
الجزء المهم بقا
انت دلوقتي لما تبحث في جوجل هيجيلك كلام انجليزي ف انت هتاخده كوبي تترجمه عربي تقرأه تشوفه بيتكلم عن الموضوع بتاعك ولا ايه لو تمام حطه مش تمام شوف غيره هتلاقي مواقع كتير جدا.. وممكن تبحث بالعربي وتترجم الكلام للانجليزي بس منصحش حد يعملها لان ترجمة جوجل هتبان وهتبقي مضحكة ف بلاش بس لو اتزنقت أعملها .. هنعمل ايه يعني.. لا يكلف الله نفسا إلا وسعها 😂😂
المراجع دي بتبقي في الصفحة الأخيرة وبتخط فيها لينكات المواقع الي انت جبت منها البحث بتاعك أو مثلا لو نقلت شوية من مرجع أو مقالة علمية.
التنسيق بتاع البحث بقا دا بسم الله الرحمن الرحيم دا بيتعمل ع الوورد والي مبيعرفش يستخدم الورد فممكن يجيب اي فيديو من علي اليوتيوب علي مزاجك كده وحاول تعرف ازاي تكتب علي الورد وسلك أمورك لغاية ما تتعلم إن شاء الله لأنك هتحتاج الورد كتير اوي بعد كده.
الموضوع سهل وبسيط جدا الرسالة بس الي طويلة لاني بشرح تفاصيل ف متتخضوش دي في الأول والآخر لغة والدنيا حلوة.
وبالتوفيق للجميع 🤲
اخوكم زياد محمد معاكم في إعدادي هندسة.
تعليقات
إرسال تعليق